A Semana Máis que Mel, que terá lugar do 15 ó 19 de novembro en Santiago de Compostela, incluirá unha tarde de obradoiros para crianzas no Museo de Historia Natural da Universidade de Santiago de Compostela.
Falarémoslle da importancia das abellas como insectos polinizadores, coñecerán o valor da biodiversidade e aprenderán sobre a necesidade de coidar e protexer as abellas e insectos en xeral, ó mesmo tempo que se divertirán creando o seu propio insecto imaxinado e saboreando os produtos que nos ofrecen as abellas.
As actividades están divididas por idades, en grupos máximos de 15, e constarán por unha parte dunha visita didáctica do museo, centrada no tema de insectos e polinizadores, e por outra un obradoiro. Serán impartidas por Marga Míguens, Ana Fernández e Paula Souto, do equipo de educadoras de Máisquemel.
Para participar é preciso inscribirse no email info@maisquemel.gal ou tel. 981 589 534, ata o día 11 14 de novembro (ampliado prazo de inscrición)
Aquí podes consultar toda a programación do evento: Semana Máis que Mel
Vémonos na Semana Máis que Mel!