Gran labor como polinizadoras favorecendo e protexendo a biodiversidade
O longo da historia existe unha relación entre o ser humano e as abellas; a alimentación, a medicina, a arte, o culto e mesmo o alumeado da humanidade, non se entenderían sen a súa aportación.
Estes insectos, caracterízanse por ter unha PERFECTA:
- Organización social
- Linguaxe e comunicación
- Reproducción
- Defensa ante os inimigos
- Arquitectura
- Busca e elaboración de alimentos
Pero sobre todo destaca a súa labor como polinizadoras tanto de cultivos como de flora silvestre, favorecendo e protexendo a biodiversidade, imprescindible para manter o medio natural no que vivimos en equilibrio.
Queremos dar a coñecer a gran labor social da abella e a apicultura
Para iso contamos cuns prescritores de excepción como son Os Bolechas, que veñen de unirse a nós neste labor de difusión
OS BOLECHAS E MÁISQUEMEL
Os Bolechas, veñen de unirse a nós neste labor de difusión do papel que teñen as abellas e a apicultura na nosa contorna. Para a realización deste programa utilizaremos as publicacións e materiais didácticos realizados por Máisquemel: o conto “Os Bolechas – Máis que Mel”, con formato de guía didáctica sobre as abellas, e cadernos de actividades específicos para profesorado e crianzas.
Programa de Educación Ambiental Apícola nos Centros de Ensino
OBXECTIVOS
- Promover a información e a sensibilidade da poboación escolar sobre os problemas ambientais, o cambio climático, a deterioración da contorna, a contaminación (ar, auga, etc), a traves do papel das abellas como sentinelas do medio ambiente.
- Fomentar prácticas, comportamentos e actitudes respectuosas entre os escolares e co medio ambiente, tomando como exemplo a vida das abellas, conseguindo así un espazo de maior calidade para a vida escolar e cotiá.
- Potenciar o valor das abellas como polinizadoras dos cultivos e protectoras da biodiversidade, facendo fincapé na necesidade dun cambio de modelo de consumo e produción agrícola mais sustentable, seguindo os principios da agroecoloxía, onde non teñan cabida nin monocultivos, nin pesticidas, e outras prácticas que deterioran o medio natural no que vivimos.
TIPO DE ACTIVIDADES
As accións educativas estrutúranse por bloques temáticos; cada un deles consta de sesión informativas, xogos, obradoiros e/ou visitas guiadas.
RELACIÓNS CO CURRÍCULO
Educación e sensibilización ambiental.
DATOS TÉCNICOS
- A quen se dirixe: centros de ensino de Galicia.
- Nivel: Infantil e primaria
- Forma de traballo: 25 alumnos/as por actividade, e flexible no caso das sesións
informativas. - Duración: 1 hora (podéndose adaptar ao horario escolar).
- Lugar de realización: no propio centro escolar e en caso de visitas guiadas, onde se solicite.
- Datas de realización: de acordo cun calendario coordinado con Máisquemel ao longo do curso escolar.
- Quen fai a actividade: Educadoras con experiencia en apicultura e formación en
educación ambiental.
Programa do curso 2022-2023
Próximamente ampliaremos a información detallada do programa que se desenvolverá no
vindeiro curso 2022-2023 e como realizar a solicitude de participación.
Para calquera consulta sobre este programa ou se queres comunicarnos o interese do teu centro de ensino en realizar algunha das nosas actividades, ponte en contacto con nós e informarémoste con detalle sobre como participar.
