Skip to content Skip to footer

Viaxe de Máisquemel a París

Máisquemel organiza unha viaxe a París para coñecer a apicultura urbana desta cidade, unha das pioneiras e con máis fama na práctica deste tipo de apicultura. Alí pódense atopar colmeas e casas de polinizadores en moitos parques e xardíns urbanos, como no Xardín de Luxemburgo, ata nos edificos máis emblemáticos, como nos tellados da Ópera de París. Un dos obxectivos desta experiencia de apiturismo será servir de referencia e modelo para promover e desenvolver este tipo de apicultura tamén aquí en Galicia.

Terá lugar do 30 de setembro ó 4 de outubro, 5 días de duración. O prezo aproximado será de 900 € / persoa en habitación doble, que inclúe voo e hotel con almorzo. As prazas serán limitadas a 25 como máximo e para participar hai que ser membro do Club Máisquemel.

As persoas interesadas poden realizar xa a preinscrición, enviando un email a info@maisquemel.gal ou chamando ó 981 589 534, indicando nome completo, teléfono e email. Enviarémoslle o prezo definitivo e o programa ás persoas inscritas. O prazo de preinscrición remata o 31 de xullo.