XORNADA DE APITURISMO EN VIMIANZO

No mes de setembro realizaremos unha xornada de apiturismo en Vimianzo, da man de Carme Toba, apicultora e experta en patrimonio tradicional apícola da Costa da Morte. A xornada incluirá a Ruta das Alvarizas de Vimianzo, unha ruta circular de 8 km, pola que veremos ata 16 alvarizas de diferente tipoloxía. Ó rematar xantaremos nun restaurante da zona e despois visitaremos o Castelo de Vimianzo, coa mostra de artesanía que alberga no seu interior.

A actividade terá un custe de 10 € para membros do Club Máisquemel e 15 € para o resto, transporte e xantar non incluidos. A data será en fin de semana e confirmarémola durante o mes de agosto. Para participar hai que inscribirse enviando un email a info@maisquemel.gal ou chamando ó 981 589 534 (por teléfono só a partir do 1 de setembro), indicando nome completo, teléfono e email. O prazo remata o 21 de setembro.